✍🗣 Wanoja Catatan Redaksi

oleh -163 views

Caption,: Ilustrasi

Wanoja catatan redaksi, Oleh : Yudhiestira Nugraha (Wapim’um/Red)

TRANSMETRO, -ANU sok riweuh memeh lebaran biasana wanoja. Di imah, anu sok ngawulaan wanoja. Ngadidik barudak lolobana waktu wanoja. Anu boga rasa welas asih lobana wanoja. Wanoja bisa “nyirep’ lalaki anu ka bengbat hate. Wanoja oge hiji mahluk anu kuat dina nyanghareupan kabeurat.

Raga badana henteu sacangker lalaki tapi pertentang lir rahwana. Uteuk wanoja leuwih maju tibatan lalaki anu huleng jentul. Wanoja boga capetang pertentang dina basa, kadang omonganna tara diwengku teu eureun-eureun.

Wanoja boga rasa anu teu sarua, hatena gampang sumegruk ceurik. Tandana aya kabeurat nu teu kedal. Eta wanoja, lamun aya kahayang nu can dicumponan teu bisa di pengpelarkeun.

Hartina, wanoja kiwari leuwih punjul tibatan lalaki, Aya dimana-mana, lain saukur jadi pramesuri dipingit cicing nungguan pawon.
Wanoja kiwari lir jamparing melesat ngapung ka awang awang.

Kabayang,lamun seug euweuh wanoja di alam dunya. Saha anu rek neruskeun turunan, rek jeung saha negrakeun lalangse hate.

” Tuh diditu, tangkal samoja nu jadi ciri,..yen nyai pernah ngahiji nyimpen kadeudeuh katresna hate”

Cag,…lanan.

Redaktur : Hepie Hermawan

block ID 8589 : transmetro.id

Tentang Penulis: transmetro.id

Jendela Informasi Indonesia

Tinggalkan Balasan

Alamat email Anda tidak akan dipublikasikan. Ruas yang wajib ditandai *